الصاحب اللي لاتضايقة ماجاك
مهو لزوم تشاركه في همومه
احرص على الي يتصل لاتباطاك
ياخذ علومك وانت تاحذ علومه
ان صرة في حاجه وهو قادر اعطاك
وان صار لك محتاج تقضي لزومه
بينك وبينه لك ملازيم ودراك
له واجبٍ عندك لزومٍ تقومه
ودرا مشاعر خاطره في محياك
ترا المشاعر هي مصادر عزومه
اوفه لمقضات الطلب مثل موفاك
ولاتطلب لي من يديه معدومه
والمزح به تجريح بالمجلس اصاك
ترا العوارف بزهوف مخدومه
يمكن بغيض الي على المزح هياك
وانته تصير المنشفه في سمومه
بناس قمار فضولي ونماك
تقدر تقول مخرماةٍ اخشومه
والشك مايطريه يغير شكاك
وده يقال فلان يبعد حومه
والمدح ماهو طارفن لاي من جاك
كلن على طوله يفصّل هدومه
الناس من مبداك تعرف نواياك
يومٍ بها الغرّة ليا افطرت صومه
شرهة بلا معقول لاتلحق اقصاك
ماهي ب متنك يالنزيه محزومة
#غازي_الزغيبي