الصييــــــــــفي
سلام من هاجسٍ ما سار كعّابي= يا ملتقى حرب با اعضائه و زوّاره
لي مدةٍ عن تعاليلي مع انسابي= وين انت ياللي قريب وشابٍّ نـاره؟

الحجيــــــــــري
يا مرحبا يا هلا عن كل حرابــــي=في دار ضيفه لا جاه يحصّله داره
اقلط و رجم الوفا لأهل الوفا ثابي=غبتو و جيتو و جيتكم لنا بشــاره

الصييــــــــــفي
فيك البقـا، مرحبا يا خيـرة اصحابـي= و النعم، في حرب طيبٍ يصعب انكاره
لي سبعة اعوام مانيب امن الاغرابي= و اللي يبا الطيب ما يخسر بمشواره

الحجيــــــــــري
اهل الوفـاء للوفي ما تصـدّ الأبوابـــي=يامن مع اهل الوفاء ما يقلّ مقــــداره
محسوب منّا ما تحسب ضمن الأجنابي=يا تاجر الطيب جيت ف سوق تجاره

الصييــــــــــفي
رحنا و جينا و من جا كن ما غابي= و تواصـل بيننـا غـايه مهـو غـاره
هذا عشمنا و هذا خيــر الاسبــابي= من جا و حاشه كرمكم دق مسماره

الحجيــــــــــري
الغــايب اللي رجع معاه وش جابي=نبغـى التفاصيل و غيــابه وش اسـراره
ما خاب فيك العشم بالعون ما خابي=واللي رقى الضلع ما يصبر عن خياره