أعزي نفسي وأعزي قبيلة حرب خاصة و الساحة الشعرية وجمهورها عامة بوفاة شاعر الخليج الاول صياف السحيمي رحمه الله واسكنه فسيح جناته
وفي مثل هذا الحدث . يعجز الانسان عن التعبير . ولكن هذا هو المصير
نبكيك ياصياف والناس تبكيك=وتبكيك ربعك حرب في كل ديره
ويبكونك أهل الشعر واللي سمع فيك=وكل الخليج ومن سكن فالجزيره
وتبيكيك قيفانك وقوة معانيك=وتبكيك قلطاتن بوسط المحافل خطيره
لكن هذا الموت مافيه تشكيك=أمرن من الله ما يبدل بغيره
وما نقول غير الله يصبر أهاليك=ويجبر عزاهم والبقاء فالعشيره
وندعي لك الجنة من الله واليك=وينجيك ربي من لواهب سعيره