أنا خذيت من الحزن ماكفاني= وانته اذا باقي حزن لايفوتك !!
إلحق عليه ووثقه بالمحاني= حتى يبين ( بنظرتك) ثم ( صوتك ) !!
ويبين وانته من ضميرك تعاني= وتظهر تفاصيل الحزن في سكوتك !!
إجمع طيوفه داخلك ( شكل ثاني )= وخله شرابك طول عمرك وقوتك !!
ياصاحبي لو الحزن مااحتواني= ماجابني أعشق ( حياتك ) و( موتك) !!
اعشق حياتك ياحياتي عشاني= أقطف معاها قحويانك وتوتك !!
وأعشق مماتك ( واعتبرني اناني )= لإني أخشى من ( شبَك عنكبوتك ) !!
أخاف منك ومنزلك في كياني= وأحس ( بالغربة ) وأنا ( في بيوتك ) !!
غريب يمكن !! والاكيد بزماني= إني بَحرك وباخراااااتك وحوتك !!