==
==
==
==
==
==
==
==
بخيتان البشري=
سلام والقلب فيه وفيه=
جيتك وابطلعك فأحزانه=
يمكن تلاقي دواء يشفيه=
وأشكرك لابان عنوانه=
علي عيد =
يامرحبا والسعد لافيه=
عم الفرح كامل أركانه =
عجل وعطني سبب يشكيه=
قلقان صاحبك من شانه=
بخيتان البشري=
ودي مجافي ياكيف ارضيه=
والوصل بيديه برهانه=
ولا لي وسيلة عشان اجيه=
وأروي ظمأ روح عطشانه=
علي عيد =
ليه الجفا ليه متبنيه=
فارض على الود عصيانه=
لو كان هذا الامر يعنيه=
ماطال صده وهجرانه=
بخيتان البشري=
ليته يصارح لما ينويه=
واسمع لما ينطق السانه=
والقلب يقنع لما يطريه=
لو كان بفراق خلانه=
علي عيد =
انكان عندك أمل راجيه=
الصبر لا تصك بيبانه=
يمكن سبب للجفا حاديه=
مجبور والوقت ماعانه=
وكانه تغلا على مغليه=
احكم على القلب نسيانه=
لا تشقي القلب وتعنيه=
وتعيّش الروح ولهانه=