يوم الوطن عيدٍ لفى قبل الاعياد=يامرحبا به ياهلا به ملايين
باللي يفرّح خاطرٍ بالولع زاد=في حب داره واصبحت كنها العين
ومع كل ساعه اصبح الحب يزداد=ولوبوصفه يبغالي اسنين واسنين
حب الوطن ساكن كياني وبه ساد=من يومني طفل ٍ إلى حد هالحين
حب الوطن موجود فالشرب والزاد=ويجري معى دمّي بوسط الشرايين
افخر واماري به على روس الاشهاد=ولاظن احد بيلومني يالميامين
وطن وطن ياكم حقق من امجاد=بفضل رب البيت ثم الكريمين
آل السعود اللي على المجد رواد=يالله تحفظهم من الشر والعين
واديم نعمة امننا فكل الابعاد=ويدوم شرع الله لنا منهج ودين
دعوة سعودي مخلص ٍ مابه احقاد=ويامن سمع والا قرا ردد امين