ماجــــــــــــلان =
سـلام ياعمنـا بخيتـان=وعساك دايم على الراحه
نبغى تحـدد لنـا فـلآن=موعدك في مجلس الساحه
بخيتـــــــــــان =
يامرحبابـك ياماجـلان=عسى الاحاسيس مرتاحه
لكنك ارسل لي العنـوان=والاسم للرجل مفتاحـه
ماجــــــــــــــلان =
اخو الفرح يارفيع الشان=بيشارك القلـب ففراحـه
والنايف الي كما ورقـان=معروف .. من يمة القاحه
بخيتــــــــان =
وانعم بكم داخل الاعيان=يامكسب القلب وارباحه
وتحديدها عندنا لاحان=الوقت ياصلكّ إيضاحه