كل مازادت هموم القلب زان القافي = لين اشبّع رغبته بلحوني الناريه
ساعديني ياهجوسي واسعفي مجدافي = لين قلبي من همومه يعلن الحريه
ياكثر من عاش ياكل من لحوم اكتافي = ومن وفاهم لي هذي طعنة الجنبيه
فالشدايد لابغوني بينّنّ ميقافي = وفالرخا كل الجمايل وقتها منسيه
لاتدوّر فالزمن هذا صديقٍ وافي= تخلص النيه معه / ويحط لك حفريه
وخذ نصيحه وافيه ماكل طب شافي= وخلني وحدي وهذي قبلةٍ حربيه
ودي اضحك واتسلى من همومي كافي = واطلع من اوجاع وقتي واحمس البريه
في مراتيع الغلا اللي كل نبته ظافي = خيّلت سحابة المعنى وجت عفويه
وامتلى صدرالقصيد وصرت انا الميلافي= للهنوف اللي تجي من بينهن منقيه
نورها لابيّنت به كل نورٍ طافي = وعنقها عنق المهاه بروضةٍ محميه
ويش اخلي ويش اوصّف كامل الاوصافي = اذبحتني غنجتك والرق والحنيه
كل يوم اعيش حلمك والحلوم عجافي = واتذكر صورتك واحلامك الورديه
عاشقك على النقاء واللى عشقك سنافي= سج تفكيره معك واحترقت البريه