ابووائل=
ســـــلام بـــعـــد الـــســـلام اقـــبـــل=يـاعـايــش الأحــمـــدي لاجـــــاك
حـــرف الـــذي مـقـصـده يـنـهـل=من عرف شاعر علم شرواك
ابوسالم=
بأحلـى التراحيـب نستقبـل=واجـمـل تحيـاتـنـا تـنـصـاك
يامن بك الأنس يستكمل=ابشـر بمنهـو علـى يمنـاك
ابووائل=
عسى البقا والعشم ماقـل=والطيب مااستغربه مبداك
ومن شاور العارفه ماظل=لـو تـاه فـي دورة الأفـلاك
ابوسالم=
انهـل مـن العـذب لـى وارســل=من منهل العذب صافى ماك
قــــدام غــصــن الـمــثــل يــذبـــل=وعــلــيــه نــبــكــى انــــــا ويـــــــاك
ابووائل=
الــلـــي لـــــذاك الـــــولا بـــــدّل=وبـدد جهـوده هنـا وهـنـاك
لـوقــلــت لـلـمـنـزلـه يــجــهــل=حق الوطن حق مايخفاك
ابوسالم=
مـــن الـخـبـل يــاكــم مـايـحـصـل=ويــزيـــد هــمـــك عــلـــى بــلـــواك
وهــــــذ عـــنـــه يــــــوم لاتـــســــأل=لجل الوطن فى غنا عن ذاك
ابووائل=
محسوب عاقل غفل مازل=في حق الاجواد لو جافاك
تــبـــغـــاه لـلـنــايــفــه يــحـــتـــل=فــعــيــون ذولا قـــبــــل ذولاك
ابوسالم=
لاتحسب الخايب الأهبل=ولاتجعـل حسـاب للنمـاك
خـلـه عـلـى طـــاره يـطـبـل=مايرقص الاوراه اعـداك
لــه يــوم وتشـوفـه مكـبـل=ان ربنا يالحبيـب احيـاك
يجـيـك مـكـتـوف ومـحـبـل=فحبال ومشربكه شربـاك