ياجزيل الشعر حضّر ... ياصدوق حروفه=في خيال الشاعر اللي مايخيـب ارهانـه
ان نظمتك عقـد لؤلـؤ حاجـةٍ مألوفـه=وان نخيتك بينـي وبينـك وفـا وميانـه
استعـد لواجبـي فـي رحلـةٍ مخلوفـه=لايطوفـك كـل رجـالٍ يعـنّ احصـانـه
ان كسبت الفوز نوفه وان خسرته نوفـه=ادّي الواجـب ومعنايـه رفيـعٍ شـأنـه
اتمثّل وآصف اشعـورٍ ماهـي موصوفـه=مار ابا اعطي من يبا وصف الشعور اذنانه
خـادم البيتيـن فرّحنـا زوال ضـروفـه=الله يتمـم شـفـاه ويـيـده سبحـانـه
القلوب برحلتـه بـرّا الوطـن ملهوفـه=والعيون بشوفتـه مـن بيننـا فرحانـه
ثالـث العيديـن يـومٍ فالبـلاد نشوفـه=جيّتـه مثـل السحـاب لديـرةٍ ضميانـه
ياملكنـا كـل رجـال غــلاك بجـوفـه=مثل مايغلـي يابومتعـب حـدا شيبانـه
مجتمعنا مـا احـد يقـدر يهـز صفوفـه=ماعلينا مـن السفيـه وطنطنـة جرذانـه
ياطويل العمر تـدري وش بـلاه وخوفـه=مجتمعنـا بينـك وبينـه تحـول بطانـه
مترفيـن فالبلـد كـل يـعـد اولـوفـه=ولايدمـر قريـة الا الزمـرة الفسقـانـه
مادروا عـن حالنـا والعالـم المنتوفـه=شعبنا الثلثين بيـن المطـرق وسندانـه
المواطـن بالايجـار ولاحقتـه احفوفـه=البلد رغم اتساعـه ضـاق فـي سكانـه

عليك ياشعري تحـوف المشاريـه=حوف السباع اللي تراعي عشاهـا
تقنب على المرقاب صارت تراعيه=وتخايل الفرصه ورغبـة هواهـا
ان كـان قلبـي ماتحقـق مناويـه=شرف غضب نفسي وغادر رضاها
كم لي وانا ذاخرك ياحضرة البيـه=وانا ادري انـك قدهـا وتحماهـا
واليوم جاك اللي تمنـى وترجيـه=افـرد جناحـك لاتغـادر سماهـا
والمقصد المنشود تسمـو معانيـه=سلامـة اللـي دولتـه مانسـاهـا
خادم بيوت الله من الشـر ينجيـه=باني بناء الدوله وحامـي حماهـا
القائد المحبـوب طابـت مساعيـه=حب الوطن والشعب روحه فداهـا
حاكم بطل والحاجـه اللـي تنقيـه=العدل والانصـاف شعبـه لقاهـا
الحمد لله بعـد سـارت خطاويـه=الواحـد اللـي عالـمٍ منتهـاهـا
سلامته ريف البلد غيـث يحييـه=مثل المطر لاناش ديـره غذاهـا
تبهج قلـوبٍ فـي غيابـه تناديـه=حبه علق فيهـا وجـوده عطاهـا
الشر زال وجعـل تفنـى تواليـه=والخير حل وهلـة العيـن ماهـا
عم الفرح بالدار واللي سكن فيـه=كـلٍ يفـز وفرحـتـه ماقـواهـا
بين القبائـل زاد شفنـا مواريـه=حضر وبدو شفنا السعد في لغاهـا
بان الفرح بالكون حتـى مواشيـه=حتى الطيور استبشرت في فضاها
والضلع صاح وكل طـرقٍ يغنيـه=الحمـد لله يـوم شفنـا حجـاهـا
اسبشري يـادار باللـي حضنتيـه=قـرب يعـود وصحتـه ماعلاهـا
باقي ليالي ثـم يرجـع لاراضيـه=يلـوح بكفـه ويلـمـس ثـراهـا
الله يـرده بيـن شعبـه واهلـيـه=يبقى على طول الزمـن وانتباهـا

شفت السحاب اللي تكاشف ابروقه=اللي ليا منه هطـل يـروي القـاع
هذا مثل شعري ليا جيـت اسوقـه=في حظرتك يا سيدي وافي البـاع
هواجسي في مدح مثلـك شفوقـه=واسمـك يخليهـا تفنـن بالابـداع
يالحاكم اللي مـاش شيـن يعوقـه=يطوع اللي يجعل الخصم مطـواع
قول وفعل وإن قـال شيـن يفوقـه=عبـدالله اللـي بالمواقيـف بتـاع
وحب التواظع جارين في عروقـه=يجري سوات الدم في كل الاوضاع
وكفه بفعـل الخيـر دايـم سبوقـه=تسمع علومه وأنت مرخيت الاسماع
خـادم بيـوت الله وهـذا يشوقـه=عن خدمة البيتين ما فيـه مرجـاع
وقلبه على شعبـه لازادت افتوقـه=وشعبه على شانه يشيلون الاوجاع
يعني كلاهم مثـل جفـنً وموقـه=وألا كما قلـبً يحرسنـه أظـلاع
ويدعون رب البيت يسرع شروقـه=ربً له أرقاب المخاليـق خضـاع