الحب طعم الحياه وسر كل النجاح= ومدهل وفاء للقلوب ودم شريانها
تنبض به قلوب للعشاق بيضٍ صحاح= ونقطف ورود الوفاء من طيب بستانها
ويبدد الظلم ويسهل طريق الصلاح= ويخفف اللوعه اللي توجع احزانها
وبالحب نبني علاقات ونضمد جراح= على اسس ثابته ويطول بنيانها
وبالحب نجبر جناح المنكسر به جناح= ونعوضه لوعة الدنيا وحرمانها
ويعيش طعم المحبه والليال الملاح= من عقب نار الفراق وشوف دخانها
ويزيح ليل الدجاء بشويش نور الصباح= ومع طلته غنت طيوره على اغصانها
وطرت عليه وسج القلب عقب استراح= وسقت القدم للخطر كله على شانها
وقلت استمع لي شويه ياضبّي البراح= لاتقفي النفس يمك مال ميزانها
كافحت لجلك ولاقدّرت نص الكفاح= ونفسي عزيزه ولاهي طوع شيطانها
وان كان صديت عني قلت دربك سماح =لو كان فرقاك ماقوى نار هجرانها
هذا سلاح المحبه حي والله سلاح = تكبر به قلوبنا والحب عنوانها