اخي, اختي هل تشكي الهم؟ والضيقة تعال هنا وحمد ربك
سوف تهون عليك مصيبتك وسوف تحمد ربك وتعرف نعمته عليك
لاتخاف ادخل اقلها تدعي لها بشفاء
http://nawalanizy.blogspot.com/2011/01/blog-post.html
يا هل القلوب الطيبة والرحيمه
تعبت انادي والبشر ما يردون
تكفون يا هل الخير لا تتركوني
أقل حاجة يا هل الخير تدعون
وانا دموعي سايله من عيوني
وحدي وكن الناس ما عندها عيون
عشت العمر والدمع مغرق ردوني
من صغر سني يوم الأطفال يجرون
نقص المناعه حطم اجمل غصوني
وتحطمت كل الأماني على الهون
قصت جناحيني وما قدروني
ياما جلست وهم حولي يطيرون
وللمدرسه راحوا وانا ما خذوني
ضاعت طموحاتي وهم ما يردون
ومر العمر وانا تزايد شجوني
وكن البشر حولي حجر ما يحسون
اسهر الين الشمس تطلع بكوني
وحدي وكل الناس حولي ينامون
أشكي مع الجدران خابت ظنوني
وما غير دمعاتي يجون ويسلون
كني غريبه والبشر هملوني
وعلى جروح القلب عيوا يحنون
حتى بعيد الله لا عايدوني
من مظهري يا ناس قاموا يكشون
ما حسوا بجرحي ولا قدروني
ولا دروا ان المرض حيل مضغون
ما عاد لي خاطر بشكلي ولوني
حطم شبابي وطابت النفس بالعون
وابوي وامي كل ما ناظروني
بعيونهم موتي ولو ما يقولون
ما ودهم وسط العنا يتركوني
وما في يديهم شي حتى يسوون
وانا ليا من والديني بكوني
يزيد جرحي كل ما هم يبكون
واخفي جروحي علهم يسكتوني
وانا بقلبي حزن واهات وطعون
تعبت والايام ما عالجوني
وما ظني ان جروح قلبي يطيبون
طاحت حياتي يا عرب من عيوني
حيه وبي الناس جوني يعزون
انطر مماتي والبشر منطروني
وقلبي من الآهات والحزن مغبون
مو باقي إلا بالثرى يدفنوني
وعلي لا من ادفنوني يصلون