المشاركة الأصلية كتبت بواسطة أبو ذياب

أبو ذياب=
مدام جسر الوفاء ممتد =مابيينا واعتلا نجمه
سلام مثل العطر والورد = ينصاك يالشاعر الحكمه
بخيتان البشري=
يامن على الطيبة معتـد=عداد ماهبـت النسمـه
ترحيب به شوفكم يسعد=ياذيب معروف من اسمه
أبو ذياب=
عليك ذوق المعاني عـد=يامبدع الحرف في رسمه
ياحر لو ماعليكم جهـد=نبغى لطرح المثل قسمه
بخيتان البشري=
وانته على مثلها تنعد=خبير والموقف تحسمه
ابشر معك بجتهد واجد=لابان منك المثل وسّمه
أبو ذياب=
صار الهوى لي ماله شهد=كأسه من الأه في سقمه
ليه الهوى والسعد ما يلد=ويساعد القلب في همـه
بخيتان البشري=
طبع الهوى بين صد ورد=ياكم ظلم الهـوى عمـه
اللي مشى في دروب الود=تبعـثـره دوم وتلـمـه
إن ماثبى يقتنـع ويشـد=حتى الآسى زود مايظمه
وإلا يتعايش خصيم وضد=يصبر ولو زاد به ظلمـه