المشاركة الأصلية كتبت بواسطة صقر المراقيب

يامرحبا يالاسد والقاف له شيله=وكلّي فخر فالبيوت اللي تغنيها
لاتشغل الراس بالافكار وتهيله=واللي تكفّل بخلقه مايخليها
الله يمكر على اهل الغدر والحيله=واللي تبلّى على خلقه بيبليها
ومهما يكثّف عدو الدين من حيله=إلى بدا خطّته بيعاف تاليها
جالس تحت شجرة ٍ ماهي له مقيله=وديرة حمد دونها شجعان تغليها
يبشر بضيمه وكيده بعد تفشيله=مادامت القوس تعطى يد باريها
دون العقيده عدو الدين ياويله=في روسنا عزنا لله نحنيها
والبيت لك قبله وتعطيه تقبيله=علم ٍ يكيد الخصوم اللي تعاديها
والختم ياصاحبي للقاف تقفيله=بعطيك كلمه وانا ملزوم بحميها
اللي لعب لعبته لو كان نركيله=بيصير عبره هل التارخ تطريها