عاش الامير اللي سمعنا بيانه=هنى الملك ياشعبنا في ولاكم
شد انتباهي كلمةٍ من لسانه=وشكره لشعبه وافتخر في ثناكم
ياشعب ياشعب الوفاء والامانه=مال الوطن غير المواطن سواكم
شعبٍ وفي تحرم عليه الخيانه=يبقى سعدنا من سواعد إلحاكم
لاخاينين ولا موارث جبانه=الله على درب الصواب يهداكم
في ظل من عز الوطن ما أستهانه=مليكنا عز البلاد وذراكم
حكم العداله لامعاً في زمانه=على الشريعه سدد الله خطاكم
وليا حصل بعض الخطا من البطانه=ماخاب من شد الرحال ونصاكم
مشكور ياميرٍ سمعنا بيانه=حنا وفانا من دلايل وفاكم