سالم البشري=
كيف اشتري بسمة الراحه=واريّــح الـكـل مـــن حـولــي
دام الشقا مشهـر سلاحـه=فـي وجـه الآمــال قولـولـي
بخيتان البشري=
دام الشقى طال في مراحه=ماغيـر صبـرك بـه يـزولـي
وتتلبس السعـد و وشاحـه=عسـى يجـمـل مـعـك قـولـي
سالم البشري=
صـابـر والافـكــار سـواحــه=في عرض الايام والطولي
والحـظ لـو ضـاع مفتاحـه=هـل يُتـرك البـاب مقفولي
بخيتان البشري=
الـبـاب لُــه ســر مابـاحـه=حِكمـه لهـا فيـه مدلـولـي
والصبر أعظم بلاء زاحه=خلك معُه عنه لاتحُولـي