ذاك الغياب اللي حرم قلب مسكين=وذاك الحنين اللي تمنى وصاله
ورده وذبلت بين نهر وبساتين=فيها الندى يبكي على شوق حاله
وشلون ينعش عمرها يا عسى تحين=ساعة يشوف الورد باهي جماله
لحظه يكون بحظنها بالقسى لين=ويعيش بانفاس الرخا ما بقاله
ليله شهر وشهور عدتّ كما سنين=شوقه عبر بالوقت اقسى جباله
ينزل على نرجس وينزل على تين=يسبق خطاوي الليل باقصى عجاله
ما همه إلا جوري الورد للعين=يوقف غزير الدمع مهما بكاله
وإليا صحى للشمس نادى لاتلفين=توني في وسط الدرب ما رضى بداله
صار السبب للروح تنزل لها سنين=تبحث عن ارض الشوق واللي مضاله
والخلق حوله قاسيات وشياطين=الكل يمسح قطرتي ما طراله
إني على نزولي تمنيت يومين=يوم(ن) اعيش إرضاه ويوم(ن) فداله
والوقت يرمي في ظنوني سكاكين=عزي حياتك كان تنوي تناله
لانه حظر ثم راح بالموت عامين=لو يوم يرجع فيه يوم إستحاله