المشاركة الأصلية كتبت بواسطة خالد دغيمان القبع

سر الوجـود وسيـر الافـلاك آيـه=وغيب الدهر تشرق به الشمس وتغيب
ومبدأ الطريق يضيق عنـد النهايـه=ياقف مسار الدرب ما لـه سراديـب
دربن على مـا فيـه فيـه انحنايـه=فيه اجتمع ترغيب طرقـه وترهيـب
كـل بـزاده ماعـلـى الله كمـايـه=للخيـر كتـاب وللخطايـا منـاديـب
ويبقى الامل عنـد المخاليـق غايـه=يدرك مداها مـن يـروم المقاضيـب
ومـن لاهـداه الله مـالـه هـدايـه=يمشي على عمياه مقفـي ولا يجيـب
فحوى الكـلام رمـوز تقـرا قرايـه=ومن لافهم تعطيـه الايـام ترسيـب
هذا واشـوف اليـوم طـول بطايـه=لارحت شـرق ولا توجهـت تغريـب
امشي واروح شوي وارجـع ورايـه=وآخذ مع الهوجاس سجـات واغيـب
وتاعيبـي النبهـه قصيـر قصرايـه=واجمع شتات الهـم بيـن المحاديـب
واخفيـه عـن نـاس تعمـد عنايـه=واضحك وقلبي فيـه مثـل اللواهيـب
من شـان لا يلحـق مداهـم مدايـه=ابعـد واسلـي خاطـري بالمراقيـب
لينـن بلـوايـه تــروح وبـلايـه=في عزلتن جنبتهـا النـاس تجنيـب
اقطع صدى صوتـن يجيـد الدعايـه=واحـرم كبـودن قوتهـا بالعارقيـب
واخلف هدف نـاس تقصـى خفايـه=تموت ما تلحـق هدفهـا ولاتصيـب
راضي لو ان الغيض مدرك ارضايـه=وطيب لو ان جروح قلبـي معاطيـب
ارفـا خلـل مبنـاي وارفـع ابنايـه=لاينكشف سدن عـوا دونـه الذيـب
ياأهل الحكـي مـال القضيـه حكايـه=ولدت وماتت في حضـور المعازيـب
وكفن جسدهـا مـن شرفهـا وفايـه=ودعتهـا بيـض بلـيـا عـذاريـب
وش عاد لو خالـف هواهـا هوايـه=لاهي بيدي ولا بـروس المشاعيـب