ياراعي الوضحى تريض على الهون=وردتها هداج وإلا على أرماح
راع العجاله ياهل الشان مغبون=لو لبسوه الناس تيجان ووشاح
القوم مختلقه قبل ماتجارون=وانته تفكر كل الاثمار تفاح
الضلع شامخ وانت راسٍ بلا قرون=والبحر الاحمر فيه مليون سباح
عن الثلاث اللي ورى الشر يسعون=ليه السكوت وليه تضميد الاجراح
ناسٍ بغيبات النشاما يهذرون=وسط العسل حطوا لكم سم ٍاذحاح
عساك تدرك مقصدي ماتضيعون= وتولع القيله ثلاثين مصباح