ابن عبـــــــــــــــــــــــــــــــاس

ياكم اثبت خطوط العرض = واليـــا التردد يغيرهــا
وانجيت احط النتر بالارض = اخاف يلذع ويحرقها

وبل المــــــــــــــــــــــــــــزون

واجب عليكم سواة الفرض =كل المحطات جربها
يبان سلك الخلل والقرض= سلكين لازم توصله

ابن عبــــــــــــــــــــــاس

أللي تعذرجهــــازالنبض = والبرمجـــــه ميتقبلها
ورواد ناسه تقول البعض = برنامج الصين قفلها

وبل الـــــــــــــــــــمزون
حبل التقى عضه عض = هذي رشتة وسجلها
واليا سمعت الندا انهض= ادعي وربك يعدلها

ابن عبــــــــــــــــــــــاس

منك الوصيه زيــادة وعض = وطاعة الرب باذلــها
واليا تردى معان الحض = انجوز عن درب ياصلها