لاتشتحن ياواحدن بت مهموم=ترا الفرج عند أكتراب الحزامي
إن كان عينك شاكية قلت النوم=فأنت تنام وخالقك ماينامي

البارحة كني عن النوم محروم=ياصاحبي والله مدري علامي
أسهر أساهرأسود الليل ونجوم=متى على الله ينجيليلي ظلامي
ما قدر المولى على العبد مقسوم=رضيت بالمقسوم والقلب دامي
دنيا بها شاخت على العالم رخوم=وجارت على اللي من فروخ القطامي
إن قلت لك مهموم بالحيل مهموم=تحشرجت بالصدر وعز الكلامي
ما قدر المولى على العبد محتوم=نصبر على المقسوم صبر الحشامي
واللي ذكرته يافتى الجود معلوم=أقبل تحياتي وخالص سلامي

هب البراد وقلت يا الله عسى خير=جعل الطواري ما تصادف هبوبه
الوقت زان وحان وقت المشاوير=والصيف راح وفارقتنا الرطوبه

أحدن تسلى بالوناسه مع الغير=شرق وشمال وكل طعسن رقوبه
وأحدن يقاوم من همومه طوابير=تجيه زافاتن على كل نوبه
حكم القدر ماضى على الناس ويصير=الوقت يمضي والليال محسوبه
يالله توجهنا على حسن تدبير=وترثى لقلبن بالهوى ولعوبه