|
|
 |
 |
|
 |
|
وإن سمعت إغنـاه لاقـام يتغنـا
ابتسمت وقلـت يازيـن الركـاده
شاعرٍ دن دوف واعزومـه تثنـا
كل ماذع ذع هوى الغربي بـراده
أكبـر الأحـلام لاقــام يتمـنـا
ريح وردٍ من علوم الطيب سـاده
يحسب إنه لاضعف باسـه يهنـا
والحقيقه ماشيه .. عكس إعتقاده
ليت مثلـه مايـدوج فـي وطنـا
وإن وجد مثله يدخل فـي عيـاده
لو.. لسان الخبل بأعنانـه يعنـا
صار قرم وجاب للسانـه شهـاده
مير صار الشعر في تالـي زمنـا
لا مـزاج ولاعـلاج ولا ريــاده
كان فـن وفنـه الماضـي تفنـا
وصار قن وقنـه الحالـي قنـاده
فاقـدٍ للـذوق وابيـوتـه تبـنـا
فوق ساسٍ هش مايبطـي هـداده
ودام حتى لابـس السلسـال هنـا
كيف يقدر يخفي الهاجس وداده ؟
أتركوه يبـوح .. معلوقـه تحنـا
مايصير أيصير جرحـه بأنتقـاده
جاملـوه وخلـو الواقـع يكـنـا
مابقى له في ذرى الصح أستفـاده
الصحيح يموت والكـذب أمتحنـا
صارت الأكذاب عند الناس عـاده
الصراحـه طيبـه منكـم ومـنـا
أقبلوها كـاش ماعنـدي هـواده
لو لقينا شعـر جيّـد مثـل بنـا
او يقارب مستوى مرسـا سـداده
كان زالـت علـة التهريـج عنـا
وصار عندي في قصيد البيض راده
صح اسانك
فصيده اتمنا انها لي
وشكرا على طرحك |
|
 |
|
 |
الأخ الفاضل / غازي الزغيبي
صح بدنك وبيض الله وجهك على مروركـ الراقي ,,
واعتبر كلامك وسام على الصدر وبالنسبه للقصيده وكونك تتمناها هذا فقط من تواضعك والا انت شاعر كبير وتملك الكثير من الابداع
دمت بخير
|