المشاركة الأصلية كتبت بواسطة صقر المراقيب

بانت خفايا ناوي الشر فينا = اللي طموحه ضمّ دجله مع النيل
صاير بحثّات الفتن يبتلينا=كل ماعدلنا ميل جانا منه ميل
من ماضي الايام خصم ٍ لعينا=ويصف صفّه بعض حفّاظ الانجيل
وانكان لوضاع العرب ماحتوينا=فرصة عدو الدين جاته بتسهيل
واليا صحى شعب العروبه هنينا=وعين العدو ماتهتني نومة الليل
ويامصر يانصر العروبه شكينا=من وضعك المزري بدا يطفح الكيل
وكان المنوفي للمصيبه فطينا=يعرف سبايبها من الراس لذّيل
يمسك زمام الامر ينظر لسينا =ويحمى حدوده بالرجال الحلاحيل
وينظر لحال الشعب يزداد لينا=ولا يجعلو قدم التفاهم عراقيل
وياخير جند الارض علم ٍ يقينا=نطقبها سيد البشر بن سماعيل
ياالشارع المصري فؤادي حزينا=يومك تظاهر دون تلقى محاصيل
ميدان تحريرك بدالي مشينا=شفنا صراع ٍ فيه بالثّلب والخيل
دام العدو شايفك صيد ٍ ثمينا=اصحى تقدم خدمة ٍ للعواذيل
لن التنازع للقرابه مهينا=يلقى عليك اعداك فيه المداخيل
وحّد صفوفك ضدّ خصم ٍ مبينا=وارفع شعار ٍ فيه تشنا سراييل
وبحماك ياستّار تستر علينا=ياللي حميت البيت من صاحب الفيل
تحفظ لنا اللي في ربوعه ربينا=اغلا وطن فيه النبي شاف جبريل
هي مملكتنا عنها ماسلينا =دار السعود مفاديه بالمشاكيل
بقيادة اللي لاطلبنا لقينا=اللي عليه الشعب محسود بالحيل
حكيت ماعندي لكم وانتهينا=وصلوا على اللي كمّل الدين تكميل
الرحمه المهداه للعالمينا=عد النجوم وعد وبل المخاييل