زهورات =
اثقـل علـى خافقـي المحـزون=نـسـيـم لـــه نـغـم يشـجـينـي
كل ما ارتجيت ارسمه باللون=ألقـى الزمـن عكـس يجزينـي
2=
مع قسوته للحنان يميـل=ويتفجـر الـود مـن عينـه
ريان عـوده جديـد الجيـل=حتى غدا القلب في يدينه
3=
سبحـان مـن صـور الأنـهـار=تـجـري فــي خـديـن مـبـتـدره
والتـوت شفتـه بليـا اشـجـار=محمـول فـي قــد لــه نـضـره
ورمان ناضج وطيـب أزهـار=بستـان يمشـي مـعـه عـطـره
وله طرف يرمي شواظ النار=أســود يحـيـط اللـبـن قـطــره
4=
يامحـرج الــورد والنـرجـس=شهـد النحـل منبعـه صافيـك
مـن عطـرك الــورد يتنـفـس=ومن حسنك النرجسه تغليك
لجلك علـى الطيـب متأسـس=ادفع لك القلب لجـل اشريـك
وفي غيرك الشوف متعمس=أهديك شوفي عسى يرضيك
صبرت وأثر الصبر دائي=جــدد جـروحـي وأدمـاهـا
وعكر عليه صفا أجوائي=والعين منكم خلص ماها
6=
بنـيـتـلـك قــصــر فـحـشـايــا=بنيـانـه الـحـب و الأشـــواق
حتى أصبح العشق لي رايـا=وأصبحت سيد على العشاق
7=
كـسـرت طـعـم الـحــلا بـاحــلا=والـمـر مـاهـو لـنـا مـرغــوب
مـثــل الـقـمـر ينـجـلـي بـاجــلا=بالشمس كرت القمر مشطوب
8=
العيـن خلقـت لجـل تبـكـي=والدمع لجل انسكابه كان
والقلب من لوعته يشكي=ياكيف بحيا مـع الأحـزان
9=
لي قلب مثـل الأسـد باسـه=في داخله نار تصلى اعداه
ورهيًف الحـس مـع ناسـه=فـردوس للـي بطيـب ارواه
10=
أهـديـتــك الـــــروح يـاخــلــي=وأصبحت تمشي معك روحين
مـــن قـــدك الــيــوم مـتـعـلـي=أرفق بروحـي... فدتـك العيـن
11=
لاشيئ... من عندكـم أشيـاء = والشيئ من غيركم... لاشيَ
ياحـيَ ... مـن نهلكـم إرواء = صافي لذيذ الطعم به ... حيَ
12=
القلب جندي فحرب الـود = ياصحابنا ابدى شجاعاته
ياكـم قـاوم قـبـول وصــد = مير انجـرح فـي نهاياتـه
13=
بركان ثايـر مـن الوجـدان=والمصدر القلب واحزانـه
ياهل ترى يستطيع انسان=يطفي لظى القلب باحسانه
14=
لــــولاك بـالـمـسـك تـتـطـيـب=ماكـان للمسـك عطـر يـفـوح
والــزيـــن لـــــولاك مـتـغـيــب=وفي حضرتك للجمال صروح
15=
تلعب على خافقى المجروح=وتعزف على صـوت وناتـي
والروح معها تجـي وتـروح=أخــــاف تـكـتــب نـهـايـاتــي
16=
يـاعــود مــزهــر وريــانــي=ياللـي نسيـم الـهـوا يـهـزك
شوقي على عطرك أشقاني=والله مـثـلـي مـحــد عــــزك
17=
ياجاهـل إلـعـب عـلـى هـونـك=وأنـا عـن الـهـون دوم أدراك
حــاربــت مـنـهــم يـغـشـونـك=دامك على الجهل ويش دراك
18=
بعض المواقف تهز جبـال = وتبـكـي الصـخـر وتـذيـبـه
جهـال تصبـح بهـا العـقـال = وراع الصبر صبره يسيبه
19=
قليل ودك ملـى الأكـوان=حتـى المـجـرات أثقلـهـا
ما بالكِ فعين في إنسان=لجلـك مـن الـود كحلـهـا
20=
تسـاقـطـت دونـــك الأقــمــار=وبنور وجهك حجبت الشمس
يـاسـيـد الـحــور والأحــــرار=سلبت قلبـي بلطيـف الهمـس
21=
لي قلـب شبَـك عروقـه فيـك=حـتـى اختـلـط دمـــي بـدمــك
ذاق المآسـي لجـل يرضـيـك=ولوكان يقدر ... خرج ضمك
22=
إجرح بشد الأسى مادمت=من بعـد جرحـك تداوينـي
ماهمنـي لـو بلعبـك مــت=مـادمـت لا مــت تبكـيـنـي
23=
سافرت فـي مركـب الأهـوال=والــهـــم ربـــــان رحـلـتــنــا
وأصبحت وسط الحزن رحال=ويــحــدد الــمــوج وجـهـتـنـا
24=
ذكراك تكسي الحزين أفراح=و..ولـد الشـقـا يصـبـح فـراحـه
يـاجـامـع الـتــوت والـتـفـاح=ياكـاسـي الـزيــن بـوشـاحـه
25=
ياقلب تشره عليـك العيـن=مابقيت من قطرهـا قطـره
كتمـت مابـي ثـلاث سنيـن=واليوم ذعته على النشره
26=
مجـرة الحسـن فـي عيـونـه=ويحيـط كوكـب سنـاه البحـر
استحـوذ القلـب فــي كـونـه=ومن شاف بحره يعاف البر
27=
كـل ماصـدر هـم يقـبـل هــم=حتى أصبح الحزن لي عاده
ويــوم الـفـرح ماعلـيـه تــم=والصبـر طعـم الأســى زاده
28=
تـنــور فـالـصــدر يـتـوقــد=وعروق دمـي تزيـد النـار
كـل مالهـا جــروح تتـجـدد=لما أذكر الدار وأهل الدار
29=
الطيب محظـوظ فـي يـده=يـوم اقبـل لسيّـد أحبـابـه
لـو جاتـنـي الـيـد ممـتـده=كفت عن االعود وأطيابه
30=
الصبـح بـك أصبـح إصباحـه=ولولاك مال الصباح شروق
والـلـي تصـبـح بــك فـراحـه=لجل أرتوى من جمال وذوق
31=
يـاصـبـح قـلـبـي وإشـراقــه=بنور وجهك كسيت الشمس
ومنك القمر ضاقت أخلاقـه=والطير غاير لطيف الهمس
ياجـنـة الـــروح واشـواقــه=يسعد صباحك رقيق اللمس
لجـلـك تــرا القـلـب خفـاقـه=عنا ضلوعي بمغيب الأمس
32=
شربت كاس الأسـى صابـر=أضحك وفي داخلـي بركـان
غريب وداري على الخاطر=والدمـع مافـارق الأوجــان
والـحـال مايـرضـي الكـافـر=حتى لبست الحزون أكفـان
ياهـل تـرى لـلأسـى سـافـر=وتعود سود السنين احسان
33=
سألـت نـجـم السـمـا عـنـك=جاوبني النجم ... ذا نجمـي
يامالـك الــروح مــن فـنـك=حلو الثمر صار من قسمي
34=
اتـغـلـغـل الــهــم فـنـفـاسـي=والـعـيـن متكـحـلـه بـالـنـار
والشمس تشرق بالأتعاسي=والليـل يمسـى وأنـا محتـار
الـديـره الـلـي بـــلا نـاســي=ياجعل يطغى عليها اعصار
ماعاد أرعي لها احساسـي=أنـا فـي ديـره وقلـبـي فــدار
35=
تأمر وتنهى وانا اطيعك=ومايقدر القلب عصيانك
لكـن يازيـن أنــا ابيـعـك=لاجيـت بتغـيـر أوطـانـك
36=
جـبــار فـالــود مـايـرحـم=أشـقـا فــؤادي وعذبـنـي
لامـرنــي طـيـفـه أتــألــم=ولاغاب بالشوق يذبحني
37=
ماحسنك في مصرح التمثيل=دور الحـزن لايـق بشخصـك
مكشـوف لعبـك بـلا تطـويـل=ومحفوظ عنـدي ورق نصـك
38=
صادقت دمعي ثلاث سنين=مــايـــوم والله تـجـافـيـنــا
وسر الصداقه ذكر غالين=مـن بعـد بـعـدت خطاويـنـا
39=
دمع الأطبا عثا فجرحـي=من بعد عجزوا فتطبيبـه
والدم يغنيك عن شرحي=أصـبــح الآه وامسـيـبـه
40=
البحر الأحمـر ونهـر النيـل=وكل المحيطات مـن دمعـي
لحطة وداعـك نهـاري ليـل=حتى أصبح الهم من طبعي
صحيح مالي في بعدك حيل=راضي بالأقدار في وضعي
ولابد مـزن الوصـال يخيـل=ونحسب سوا ناتج الجمعي
41=
الــزاد والمـلـح ماننـسـاه=لـو كنـتـم أنـتـم تناسيـتـوا
تبقون ويبقى على مصفاه=لـون اللبـن لـو تصافيتـوا
وبليس منهو يطيع اغواه=يـشـربـكــه لا تـعـاديــتــوا
والساس ثابت على مبناه=ويطـول لا بالصفـا جيـتـوا
42=
مــن شافـنـي قــال متهـنـي=سليـم مـابـه ألــم واحــزان
والقلـب فــي داخـلـي ونــي=مجروح جالس على بركان
43=
صاحبت في غربتـي الدمعـة=أيضـا مـع الليـل لــي ميـعـاد
والقلـب خسـران فـي جمعـه=والصفر طاغي على الأعداد
44=
أبكانـي البـعـد عــن داري=وأحبابـي اللـي معاشرهـم
غريب صابر على اقداري=أون فـي حـيـن ماذكـرهـم
45=
في ما مضى القلب متعافي=واليـوم قلبـي علـى دافــور
ماغيـره الـرب لـي شـافـي=ويجعل حياتي هنا وسـرور
46=
أموت وأحيا و اقول انهيك=يـاروحـي الـلــي تعـانـدنـي
قالـت تصبـر لعـل يرضيـك=شوفـت حبيـبـك .. وتفرحـنـي
47=
لي دمع حارق كوى خدي=أبكـي ألـم والبكـى مـافـاد
بالأمس طيري على يـدي=واليوم فـي لهفـة الميعـاد
48=
قلبي فـي عـز الجليـد أدفـا=من شخص يوقد في تنوره
يامالـك الــروح لــو تـرفـا=علـى الـذي عشـكـم نــوره
49=
لحظة صفا مع نسيم الود=تحكم على القلب باسعاده
ياليـت حلـو الزمـن يمـتـد=ونعـايـش الــود واعـيـاده
50=
ياللي منازلـك فـي نونـي=ولحافك الجفن والأهداب
بــودك القـلـب مرهـونـي=وبكل لحظة تزيد اعجـاب
51=
عند اللقا ... والهوى نسناس=عجـزت لوفـي حـروف الــود
وتعانـقـت فالصـفـا الأنـفــاس=مـن بعـد حكـي العيـون امـتـد
52=
براد شاهي وحبق فـواح=وصاحب كريم الطبايع ند
والله مكسب كثير اربـاح=في غيرهم ماعيوني تلـد
53=
أسقيتـه المـر حتـى الـمـر=أصبح من الولف كالحالي
طاولت هجره وقلت أصبر=وليا الصبر زاد فـي حالـي
54=
كسَرت وجبرت في حضي=والحـظ عاقـد عليـه آمـال
كل ماعتلا سـور ينقضـي=والحـظ مايعتـدل لـو مــال
55=
الداعـج اللـي بكـى وأبـكـى=كل البشـر مـن ألـم حاويـه
بالدمـع حــرر لـنـا شـكـوى=الجرح عجزوا الآطبا فيه !
56=
لا كان راع المثـل مغـرور=مـبـيـوع قـولــه بحـقـرانـه
للقيل روضة وعطر زهور=محـروم مـن ضـل بستانـه
57=
يتوقف الوقت.. حتـى الكـون=يسـكـن ..وتجـمـد محيـطـاتـه
لحظة وصالك ...ولك فالنون=بـسـتـان طـيـبـك زهــوراتــه
58=
للقيل معنى وهـدف مرمـوق=يخفى عن اللي كلامه قرض
خسران ياصاحـب المنطـوق=من دون قبله أقمت الفـرض