المشاركة الأصلية كتبت بواسطة الكحيلة

لك اشتياقي زاد في وجداني=القلب من شوقه عجزت اضمه
والدمع من عيني نزل هتاني=يشبه لنهرٍ جاري في يمه
عليك ياللي لك مكانٍ باني=مابين ربعه والجميع إئمه
ياعالي المنسب واقول افلاني=مجودٍ خاله وأبوه وعمه
لو عنه يدري فايز البدراني=يشرع بتسجيل النسب عن أمه
دون الرجوع لباقي الجداني=حيث انهم في عاليات القمه
بالطيبه يرجح له الميزاني=طيبه لربعه والعدو له سمه
حربي ولد حربي وزبن العاني=تسابق العليا عليه تخمه
لو أحمد الجاسر علم بالشاني=يمديه ولف له كتاب وتمه
والان هيا يا اعذب القيفاني=ترنمي لحنك وجيبي جمه
العز منزال الهله واخواني=ثابي بدورات الزمن ما همه
لاقيل لك مسروح قل شجعاني=كم شيخ قومٍ غرقوه بدمه
وادي الرمه يشهد معه عسفاني= تاريخهم أمجاد حرب تظمه
والعذر مرسوله مع الالحاني= للي نسب حرب العزيزة همه
استاذفي علم النسب عنواني =كل القبايل لنسب في كمه