يامصر والآمك ماهي بية الآم=واقع غريب ومجريات اليمه
صرتي عقب مانتي دواوين واقلام=وعقول ماهي بالنوادر عقيمه
اليوم ميدانك كواليس وافلام=وحرية شعوبك اداة الجريمه
على ضفاف النيل ووجيه الأنام=تبلورة صورة عذاب عظيمه
وصار الامان احلام ياليل الاحلام=تبكي عليه عيون مصر القديمه
اربع ليال وكل لحظة خبر هام=مصايبك صارت تقل وبل ديمه
تطور الوضع السياسي بالاعلام=يوحي بأن الفوز مثل الهزيمه
وتبقين يادار الكرامه والاسلام=دار السعود اهل القلوب الرحيمه
تبقين مصيونه على مر الايام=بحماية الله ما تجيك الظليمه
حكامك وشعبك لك دروع وحزام=وعلاقة الحاكم بشعبه حميمه
حتى العلم وهو العلم غير الاعلام=بين العرب يلقى مهابة وقيمه