يازين تــــرك النـاس كـلاً بشانـه = اقــلـــهــم مفهـوم عقـــلـه مكفـيـه
راضي بتصريفه وعايش زمـانــه = لاسامعا قولـك ولاانــــــتـه مربيـه
ومقياس عقل الرجل منطق لسانه = ومن واقع المنطوق تعرف خوافيه
ومن قال قـــول ولايـثبـّت بيانـــه = سوات رمّاي الهدف يوم يخــطيـه
ومن حــجـته تثبت عليـه الادانــه = وإذا وطاه الحق ماحداً بلــش فيـه
والسر يانـادر شـــريـك الامانــــه = من الخطا والعيب للنـــاس تبديــه
واوصيك لاترافق خبيث البــطانـه = تعامله بالصدق وابليـس مغـــويـه
والرجل يعرف فــالمجالس مكــانه = ويقصر قدم رجله ان ماجاه داعيه
ومجلس يجيبـه للمسيـر مـهـانـــه = العيب والمنقود في وجـــه راعيـه