المشاركة الأصلية كتبت بواسطة محمد حمد اليوبي

ماني ردي اتبع حصين الدسيسه=لادن لي هاجس ترا اسوقها كاش
ياجعل يوم للفرايس فريسه=ماكون انا به حي يا صيدت الاش
جاك الجواب اللي لقلبك حميسه=يشوفه ولكن حدا عنه مراش
قم وانهض ان ثارة عليك الدهيسه=ماتحتملها من تخبت فالاعشاش
شرواك دائم ينطحون الخليسه=ماهي جديده لا بدا الدك ينحاش
بلواك مايل للحياه التعيسه=جينا ندق عظام ونفرز الشاش
نظهر حقايق فالبحر وانت طيسه=تعرف خراجك فالردى فيه تعتاش
اللي بنا له صرح لا زم يسيسه=لا يطيح به ويطيح في فك عراش
واللي مشى في درب لازم يقيسه=ما ينفعه لو قال ياليت ما عاش
لايسير ممن يتبعون الخسيسه=اللي عليهم قايل الاش..ماش
الحمد لله ما نخيت النعيسه=ركزي في خط النار متحزم كلاش
ماني بملبوشٍ غوته الكنيسه=ثم ابتلش فيها على لبشه البآش
محسوب مثلي مَعتنى بالنكيسه=رجلٍ حكيمٍ لانتخوني قوي جاش
هذي نصيحه وانت عقلك تريسه=تحذير ليس الا.!! على كف حماش
من بعدها لك حفل يبهر عريسه=في كوشتٍ غطت على كل الاكواش
واللي غواه بليس يتبع بليسه.!!=له كيفنا البارود..له قبره فراش