محمد عبدالله البدراني
ســـلام تسـلـيـم الـوفــاء مـبــداه=واللي يبا يلعب ابـا احوووسـه
ومـن هــو يــدور للـزعـل يلـقـاه=يلقى الزعل في ذبح ناموسه
حفيد الحجيري
ترحـيـب وافــي لفـظـه ومعـنـاه=دايم علـى الطـالات ناموسـه
كـــلاً حـســب مـــدّه نـبــا نـجــزاه=ما فيه شارب ما لقي موسه
محمد عبدالله البدران
حي الحفيد وحي ابو ملفاه=وعساه مثل العود بهجوسه
لـه عندنـا ثنتيـن قبـل القـاه=واليـوم اشوفـه دق ناقـوسـه
حفيد الحجيري
بيـت المـعـزه مــا يطـيـح بـنـاه=دام الذهب تاجه و ملبوسه
الـلـي لـنـا فــي وقـتــه أخـذنــاه=واللي خسر يتعوضّ فلوسـه
محمد عبدالله البدراني
من قبل لاتكشف على مغطاه=وشـلــون جـاوبـتـه بمـنـكـوسـه
وقــوس الربـابـه يــوم جـريـنـاه=ظـنـك عليـكـم حـانـيـن قـوســه
حفيد الحجيري
جاباتنا حسب اللذي شفناه=تهمتـك ذي عليـك معكوسـه
الـطــيّــب انـعــرفــه لــيـــا جـيــنــاه=خـطـواتـنــا بـالـعــقــل مـــدروســـه
محمد عبدالله البدراني
تشخيص خاطي وانكشف مغزاه=وانـتــه مـشـيـت بـضــو فـانـوسـه
والـلــي بــــراس الـنـايـفـه جـبـنــاه=واسنونك ان لجت من السوسـه
حفيد الحجيري
الـذيـب نـعــرف يـالـرجـال عـــواه=والــــــــداب نــتـــوطّـــاه ونــــدوســـــه
واللي حسبت العلم ما يخفاه=لقـيـت كــل الـسـوس بضـروسـه