==


==


==


==


==

ابوعيد وابوجواد =
سلام ياصحباب جيناكم = ياهل الوفا من جويد الساس
هلّ السعد يوم شفناكم = يللي بكم يكمل المجلاس
السيد والفارسي =
يامرحبا زان ملفاكم = يانور عيني وعز الراس
استر قلبي برؤياكم = ياهل المعاريف والنوماس
ابوعيد وابوجواد =
تبقون والطيب معناكم = اللي لنا صايغه بالماس
سرورنا دام وياكم = ياللي لكم عرف ماينقاس
السيد والفارسي =
حنا املنا فى شرواكم = يامعدن الذوق والاحساس
وننظرلكم وانتحراكم = للمرتجي مايضيع قياس
ابوعيد وابوجواد =
مايضيع املكم ومرجاكم = لاحان قلنا لكم لاباس
ياهل الكرم مانتعداكم = ياجود ثابي لكل الناس
السيد والفارسي =
من قلبي المبتلا انخاكم = بقيت بين الرجاء والياس
يامن عزيزه مزاياكم = المبتلى مايجيه نعاس
ابوعيد وابوجواد =
ماصاب قلبك مايخفاكم = قلي عنه ليش عنا داس
ليتك تبين سبب داكم = ويبين شرحه على القرطاس
السيد والفارسي =
الشرح الاول مجزاكم = امشي معي فالمثل مرواس
احكم لنا حكم يزهاكم = والاتحيله لبن جساس
ابوعيد وابوجواد =
على حسب نص ماجاكم = وحكمي لكم معلنه في واس
مقصودنا نيل مرضاكم = والوقت ريس ولاينراس