اخواني اعزائي ابناء حرب العزيزه
اضع بين ايديكم هذه القصيده المتواضع مع تمنياتي ان تنال اعجابكم
الله لنا يامالكين الملايين =الله كريم ولايخيب عباده
روحو تمشو في وساع البساتين=شمو من البستان مسكه وكاده
ثم لفو العالم وكل البلادين =وهنيكم في كم غاده وغاده
اراضي ن في نجد واخرى برلين=اسعارها في كل يومن زياده
مير الطمع عدوى بكم والطمع شين =ماتسمعون النار ترث رماده
التاجر اللي راس ماعنده الفين = تخاشرونه لو يصيد الجراده
وش فرق تجار الغنم والبعارين =وش فرق اصحاب السمو والسعاده
الله لنا حنا الفقارا المساكين =الجرح فينا مايلاقى ضماده
اللي سهر من خوف طلابت الدين =امن السهر تبكي عليه الوساده
حرن لاكن يعيش عيشة مساجين =يبغى من الدنيا شريط الاعاده
ومادام باللي قلت انا تشهد العين =الهرج مامن كثرة الهرج إفاده
لاكن عندي باخر القاف بيتين =مادام غشى الوقت هذا سواده
كلن يعيش ايام وشهور وسنين = الله خلقنا مالهاذا مراده
الرابح اللي يعتبر من هل الدين=يجيه يومن يهتني في حصاده
هاذي حيات ن فانيه بين قوسين =العاقل اللي شال منها شداده
الموت مايعرف ضعوف وسلاطين =مايعرف بهالناس غير الاباده
اليوم ياخذ من قرايبنا الادنين =وبكره يجينا لو بغينا بعاده
يعني عقب عج الرمك والميادين =غصب ن على الفارس يفارق جوااااده
الاخوه المشرفين لاهنتم مثل ماتشوفون التنسيق عيا يزين اسوي ارسال ولاينفذ ياليت تضبطونه واكون شاكر