والله ماهي عادتي ضيـق الأخـلاق=عادة اهموم الوقت قتـل البشاشـه
لآجيت اباضحك دق بالقلـب دقـآق=أقصى عن القلب العليـل انتعاشـه
همومً تخطّت هيبت القلـب لعمـاق=جاش الحشأ واٍستاطنت وسط جاشه
مشكاي ابوسامي عليّ الفضا ضـآق=بالعيـن اشوفـه صاركبرالفرآشـه
اصغرهمومي كنّـك تعايـن لسـاق=وأكبرهمومـي كبريمّبـع وطآشـه
عنيـد وقتـي مستكنّـن بالآمـوآق=فاليوم يعرضلي كمأ عرض شاشـه
وقفّتله ميقاف منهـو علـى سـاق=لين العضم ياخوك صابـه هشاشـه
وقتً به الطيّـب تصفّـق تصفـاق=ولأ الردي كنّه بهـا الوقـت بآشـه
صبري سلاحي والصبر يحرق احراق=اللي يعيـش الهـم والهـم عاشـه
صبراً تعدى الحـد ماعـاد ينطـاق=عزّلت من غاليـه وأيضـاً بلآشـه

يالله يامنـعـم عليـنـا بــالارزاق=ترزق عبادك مـن سحـابٍ رشاشـه
يسق الوطا من عقب يبسن الاريـاق=ويذهب عطش من يشتكي من عطاشه
والارض تصبح كلها زهـور واوراق=يفرش عليها العشب زاهـي فراشـه
حتى يزيـن الجـو وتزيـن الاذواق=ويرتاح قلـبٍ قاسـي الهـم ناشـه
ويالله يـافــراج خـــلاق رزاق=تفرج لمهمـومٍ عنـى الهـم حاشـه
الشاعر اللي شرب كاس العنى وذاق=هم الزمـان بتالـي الوقـت عاشـه
كن العماني وسط صـدري بعـد واق=اخذ بعض همي مـلا منـه جاشـه
لو كان ماوضح على بيـض الاوراق=وش سبة همومـه وسـر ابتلاشـه
من شان نعرف حل موضوعه الشاق=ويسهـل علينـا لاعرفنـا نقـاشـه
لكـن ياابوحمـدان ماانتـه بمنعـاق=سايـر زمانـك يالعمانـي وماشـه
وانا اعتبرني معك فـي كـل مـالاق=ينهي مـدى همـك بدينـه وكاشـه
اقولهـا مـن قلـب ماهـو تمـلاق=ياابن الذي للضيف يصـرف معاشـه
ويالله يامنعـم عليـنـا بــالارزاق=نفـوز فـي مافـاز فيهـا عكاشـه