=محمد الردادي
البرد مخلع كثير النـاس=فصل الشتاء مايدانونـه
والجسم دايم يزيد الباس=ولولا الحياء لحف اعيونه
=المثل
بعض العرب ،، مرهف الاحساس=البـرد يطقطـق لـه اسنونـه
والبعض منهـم لالـف الـراس=يبيـح مـن خافـي مكنـونـه
=محمد الردادي
الأدمي دايـم الوسـواس=يلعب على كل مضمونـه
دايم وهو معلن الأفـلاس=ان جاء شتاء جاب كانونه
=المثل
البرد عذب جميع اجناس =وغير لنا الليل قانونه
لابدنا مقدمين الكاس= لقايد القيل وفنونه
=محمد الردادي
لاباس ياصاحبي لاباس=البرد فالصيف يشرونه
الكل شاري مكيف هاس=ويقفل الباب من دونـه
=المثل
ذقنا وقالت وكالة ناس=عن موجة البرد مجنونه
ماعاد ينفع معاها لباس=فالعظم ماظن يدفونه
=محمد الردادي
البرد لاهب لـه نسنـاس=لاتقربه لوذ مـن دونـه
دور السمر وقطعه بالفاس=او ازهم اللـي يحطبونـه
ثم اشعل النار في قرطاس=والنار تشتب في اغصونه
وقرب تدفاء مع الجـلاس=والبرد ماعـاد تطرونـه
=المثل
واسمر ، وزيد الليالي وناس= وابحر مع القيل في لونه
ودون وسجل على الكراس= بيت الحصى كيف يبنونه
فالاوله يحفرون الساس= ثم على طول يصفونه
عود القرض في نظرهم قاس=خير الرجاجيل يشرونه
=صح لسانك يابو سامي

=محمد الردادي
ان جاء على الخط ابوتركي=اعطـوه منـي تحيـاتـي
قولو له العضو مشتركـي=عنـد الروابـي ملفاتـي
=المثل
بالضغط ،، ياصفحته فكي= وردي التحية كما جاتي
من سينا ،،للشاطي التركي=الكل ينشد متى تأتي
=محمد الردادي
هذي علامه تحاصركي=تطلع ونسحب بريكاتي
ونقول يالله بخاطركي=يمكن صيانة معداتـي
=المثل
نفرح بجيتك ،، مانبكي=لو هي دقايق وساعاتي
وقعت ،، فالخط ،، رابطكي !!=ياللي من اصل ارتباطاتي
=محمد الردادي
حاولت اجرب وانا مركي=عيت تجي كل خطواتـي
يمكن تجي منك اوامركي=ويفتح لنا الخط حزاتـي
=المثل
يافرحة الشوق !! خابركي=بطلة ،، كريم المرواتي
ولعيون منهو معاشركي= فكي معه كل راياتي
=محمد الردادي
تسلم وانا دوم ناصركـي=جربت انا وجات صفحاتي
والعذر انا دوم عاذركـي=ورجوا السموحه لما فاتي
=المثل
يالله روابي ،، بناجركي=صبيها من شوق دلاتي
تزيني في مناظركي= عيشي الفرح والمسراتي
من اوّلك لين اواخركي= شدي ،، وضمي علاقاتي
ردادي قادم وزايركي= راعي الوفاء في سجلاتي
=يا صحابنا سامحونا
=صح لسانك ياستادنا

=المثل
في شاطئ الروابي على المينا=تبحـر سفيـنـه لــردادي
قامت ،، وفـزت ،، روابينـا=تضرب تحيه مـن الـوادي
= محمد الردادي
نفخر على طول ياخينا=محيطنا يشبه الهادي
مابين ربع وبنيخينـا=الفخر والعز يـزدادي
=المثل
يانار شبي وعشينا = من بعد دله وبرادي
وافي وحقق امانينا = معه اللقى غاية مرادي
= محمد الردادي
يعطيك ربي ويعطينا =العمر ونجدد اجدادي
نكتب من ابيات ترضينا =يطرب لها كل الأجوادي
=المثل
حنا عطاشا ،، وتروينا= ببيات كل(ن) لها ينادي
يا محمد اليوم ،، ماضينا =ما عاد له فالهوى نادي
=محمد الردادي
مثلك وشرواك يسقينـا=مثل المطر شي موعادي
وجودكـم يامناديـنـا=يروي العطاشا ياأستادي
=المثل
يا منتدى اليوم راعينا = في بحرك الكل روادي
وياوقت تسمح تعدينا= بنقلط الضيف للزادي
=محمد الردادي
مشكور مهما تمادينا=قصاد وانته بقصادي
لابد يوم(ن) تخاوينا=والماد ياطالب المادي

=محمد الردادي
وين العـرب مانشاهدهـم=راحوا مع البرد بردانيـن
فصل الشتاء جاء ومخلعهم=والبرد توه بدى هالحيـن
=المثل
شوف العـرب فـي مرابعهـم=جابوا ،، القرض من ديار الزين
مـع شبـة النـار نجمعـهـم=وحنـا فلقاكـم ،، حرانـيـن
=محمد الردادي
حنـا بغينـا نمازحـهـم=ونشوف ويش الذي مسوين
وفصل الشتـاء مايفرقهـم=وحنا بشوفتك مسروريـن
=المثل
وهم على مانت خابرهم= في جيتك صاروا فرحانين
انت الذي دوم تفرحهم =واقول من عندي مشكورين

=الردادي
ان غبت عنكم ترى مشغـول=ماغبت من شـان زعلانـي
وان جيت انا جيت بالمحصول=اللي ملـى القلـب للسانـي
=المثل
مايصح غير الذي معقول= واللي اشوفه من اعياني
ما دام هذا الكلام تقول=مقبول اضمك ،، مع اخواني

=الردادي
سلام من عند ابـن رداد=مرسول ينصى بني حازم
ولضيوفنا الكل بالأعداد=ولهل المواجيب واللازم
=المثل
ترحيب من يمنا يزداد=مشتاق لواصالكم عازم
ماشي على منهج الاجداد=يسلك تقاليدها جازم

=محمد الردادي
ان كان ودك بضبط النفس=ابعد عن الشـر وعمالـه
مالك ومال النكد والرفس=لو زين ابليـس افعالـه
=المثل
اللي تعدل بعد الخفس=ويحكم قوافل ،، وجماله
صار يتصدق ،، بطيبة نفس=واخفت يمينه عن شماله
=صحت السنتكم

=محمد الردادي
حتى الحمامه تشيل الغصن=تبني لها بيت من اغصان
ماتشترط شرط تبني حصن=ترضى بمجهودها ياخوان
=المثل
مثل النحل في ولاج الصن=يبني خليه مـن الكتمـان
ينتج عسل وعليه يصـن=ما ينجلب ،، غالي الاثمان
=محمد الردادي
الله مصخر ولا يعصـن=حتى النحل ينفع الأنسان
والدين والشرع به وصن=علاج طيب من الرحمان
=المثل
ياما على الورد هي رصن= يجنن ،، ويمشن مع السلطان
ايات فالحق له نصن = وسحر الطبيعة من الايمان
=محمد الردادي
هذا النحل والعسل خصن=مامثله علاج فالوجـدان
والنحل في اجبالكم قصن=حتى يروحن جبل ورقان
=المثل
من ضلعنا الورد هي مصن=من راس موره الى سلمان
ومهما عن اجبالنا فصن=فالخاتمه هي شفاء المرضان
=صح لسانك يابو سامي

=محمد الردادي
منك اعتذر ياطويل العمر=نسيت ارد الخبر ثانـي
اشغال جتني ودنيا تمـر=والوقت روح ولا امداني
=المثل
مادامك بخير ،، وحال يسر=معذور !! لو كنت تنساني
ادعي الهي ،، بخيره يـدر=وتنصـاك الارزاق ربانـي
=محمد الردادي
صحيح شغله بضغطة زر=لكن ترى الوقت ماحاني
ومادمت شايفك انت تفر=مبسوط لو شغلي الهاني
=المثل
ما دامك !!! انت شبيه الحر =وافي على طول الازماني
وسط الحشا ،، فالضمير تقر = شوفتك ،، يانور الاعياني
=محمد الردادي
مثلك وشرواك كالمنبـر=رصيد محسوب ياخواني
مكسب وشرواك به نفخر=بالطيب انا القاك وتلقاني
=المثل
ياجعل شرواك ما ينظر=يامن على الطيب تنصاني
مثل القمر ،، زاهي المنظر = حرفك على كل الاوطاني

=محمد الردادي
احيان الأنسـان يتهـور=ويكتب على كيف مكتوبه
واحيان يوقـع ويتعـور=ويقول ياربنـا التوبـه
=المثل
كلن مع الحرف يتصور= والبعض الافكار ،، شتوبه
بالصدق ،، يثبت ويتكور= وبالكذب ،، وديان كتوبه

=الردادي
هذا الأسد حاير ومسكين=محتار يمشي كذا ضايـع
ياليت احد يسئله من وين=او يطعمه كان هو جايـع
=المثل
فالغابه ،، يامحمد التمكين= معروف فيه الاسد شايع
وقرص البعوضه كما السكين =تجعل شموخ الاسد طايع

=الردادي
يالله نبي نجمع الحسنـات=ونزيد منها رصيد اكثـر
هيا اذكروا الله بالميـات=وصلوا على خير من بشر
=المثل
ياعالم الغيب والنيات=يامبدع الكون بالمنظر
يالله يامحيي الاموات=تغفر لنا ساعة المحشر

=محمد الردادي
اسف اذا قلت شي مزعج=ماكنت قاصد كذا ازعـاج
صحيح اني انـا محـرج=وعذري ترى زادني احراج
=المثل
ياصانع القيل يامنتج=ياراقي الحرف والانتاج
الحكمه اللي لنا تخرج=اشيلها للجروح علاج

=الردادي
سلام للي حضر واللي= غايب عسى ربنا يجيبه
سلام بالجزء والكلي = والعذر لو طالت الغيبه
=المثل
سلامكم فالحشا حلي = واجب على الكل ترحيبه
يامالك الطيب ما ملي = منهو على الطيب تسريبه

=الردادي
يامن يفيد الذي غاضه = مجهود ماينحسب لهله
لو كان منطق من الفاضه = مايعتبر جهد يحسب له
=المثل
بالهون ياسيدي راضه = خل الحياه عندكم سهله
وان كان تمادى معه قاضه = والحق لابد يرجعله
=الردادي
ماله ولاحق بغراضه =وشلون اراضيه واقله
من باغي الحق وعواضه=مايترك الحق ويفله
=المثل
هذا تعدى عن رياضه = ومخالف الشرع والمله
القلب لا زادت امراضه = يصبح على الهم والعله

ياصحابنا شهرنا هلي = جينا نبارك لكم بالصوم
عساه دايم لنا يطلي =ويعود بالخير دايم دوم
=المثل
ترحيب دايم لك يظلي = ما قط تغير علينا يوم
يالواحد اللي لك نصلي = تحفظ لنا عزيز القوم
=محمد الردادي
مشكور ياللي بنا يهلي =ومحشوم ياصاحبي محشوم
المنتدى دوم متعلي =مادام شرواك فيه يحوم
=المثل
من داخل القلب ،، ما زلي = قدرك فوسط الحشاء مختوم
والمنتدى ،، احساس يجلبلي= درب السعادة فلــــقاك يقوم
=محمد الردادي
كل الصعيبات تنحلي =مني وانا اصدره مرسوم
مادمت حضرتك تنزلي =اكيد نهزم جيوش الروم
=المثل
اقول ولاحدٍ ابد قلي = وهذا يميني معك مقسوم
وهذا الشرف مير يحصلي = دامي معك في بحور نعوم
=محمد الردادي
شامخ كما الضلع والتلي =هذا طبيعي وشي محسوم
مثلك وشرواك فخر(ن)لي=عسى عدوك منك محروم
=المثل
اروح ويرجع معي ظلي = دايم ملازم ولك ملزوم
ثمان الليالي تصفر لي = اصفار في منتدى معلوم
=محمد الردادي
جربت ورجوك بدلي =حاول تبدل لنا برقوم
الوقت ماهو بحاصلي =والصفر ماهو ترى مهضوم
=المثل
فوق الربى فوق متعلي = قمره وترعى معاها نجوم
حاول وعيد النظر فاللي = الان تو الامر محتوم
=محمد الردادي
حاولة والله يغفرلي =ويغفرلكم ذنبكم ونصوم
وانا انتظر منكم الحلي =ولا تلومني وانت لي لاتلوم
=المثل
هيا استمع واكتبه حلي = واطلب ومثلك ترى مخدوم
يامحمد القلب ما ملي = والعين عيت تذوق النوم
=محمد الردادي
خابرك مشرف ومتولي =وحاولة اجيكم وانا محروم
ومثل اللذي فاقد البلي=وانا الروابي لها مغروم
=المثل
في جو جزئي على كلي = بينت ما فالحشا مكتوم
احساس دايم معي اصلي = مرفوع لجلك معي مضموم

=المثل
تجار جينا بدراهمنا = جينا رياض الكرم والجود
واحلى بضاعه تناسبنا= عشرة رجال الليالي السود
=محمد الردادي
الله يقويـك تاجـرنـا=ويعينك الله بالمجهـود
مندوبنا في عواصمنـا=بالخير جعلك علينا تعود
=المثل
السلعه اللي افمخازنا=ما مثلها فالبلد موجود
وقلوبنا هي مصانعنا =انتاجها مغلف ومحدود
=محمد الردادي
والنعم هذي عوايدنا =دايم على العز حنا ورود
كسبان من هو يصادقنا=من طيبنا والعباد شهود
=صح لسانك يابو سامي