ياحرب كلمة ( حرب ) كلمة لها شان = من قال انا حربي رقا فالطويلة
ياحرب كلمة ( حرب ) في طول الازمان =لاجات فالميزان دايم ثقيلة
باحرب كلمة ( حرب ) عزوة لشجعان = مايقبلون الظيم وقت الحفيلة
ياحرب كلمة ( حرب ) للحرب فرسان = خصيمهم مايجني اللا الفشيلة
ياحرب كلمة ( حرب )لابان مابان = دار المعزة ماتعود ذليلة
ياحرب كلمة ( حرب )لالاح دخان = هبت هبايب حرب تجلى مخيله
ياحرب كلمة (حرب )رفعة وحسبان = قبيلة ياحيها من قبيلة
ياحرب كلمة (حرب) قوة فالاوطان= من ريبها دايم عداها ذليلة
ياحرب كلمة (حرب) بيت وسيسان = ماله مثيل ولا لقينا قبيله
ياحرب كلمة( حرب) فزعة لجزعان = لصاح صايح كلنا نعتزي له
ياحرب كلمة( حرب) مجد(ن)وسلطان = مايقبلون الواطية والرذيلة
ياحرب كلمة (حرب) للطيب عنوان= دايم تحوش الطايلة والجميلة
ياحرب كلمة(حرب ) للعرف بيبان =-اهل المعارف والعلوم الجليلة
ياحرب كلمة ( حرب) للجار مزبا ن = قصيرهم يلقى البيوت الضليلة
ياحرب كلمة( حرب) فاللا زم اخوان = ضعيفهم يلقى رجال تشيله
ياحرب كلمة(حرب) للخير ميدان = واللي يريد الشر تقطع سبيله
ياحرب كلمة ( حرب) خيل ومرحان = ومن الاباعر مقتنين الاصيلة
ياحرب كلمة(حرب ) مرتاع ضيفان = مداتهم للضيف ماهي قليلة
وكل القبايل نعم من غير حقران = كل في ميقافه يولع فتيله
واقول كلمة حق شكرا وعرفان = حكم السعودي مالقينا مثيله
حكم السعودي يوم جا بامر رحمان = يبري كبود(ن) قبل كانت عليلة
الامن سايد والعطا بر واحسان = الله يعزه ماندور بديلة
تباالصراحة كلنا اليوم صدقان = شعب موحد والمعاني جزيلة
بعد الفتن والبطش حال العرب زان = تراحموا والكل سامح عميله
شوف الصداقة بين حرب ومطران = دايم محل العدل هذا حصيله
عزوة سعودية لحضر(ن) وبدوان =رمز العدالة كلنا ننتمي له
وحدهم المغفور له صقر شيهان = دستوره القران ماجا بحيلة
اخذ العهود وباقي العهد للان = واللي يخون العهد ربي يشيله
يعيش عبدالله ويعيش سلطان = اهل العدالة والسيوف الصقيلة
ويعيش نايف حط للامن نيشان= شهم(ن) محنك مايبي له دليلة
عيال اخو نورة خزوا كل شيطان = ماشين في درب الهدى والفضيلة
ااقول قول الصدق ماقلت بهتان = اليادعا الحاكم بسرعة نجي له
حنا جنوده فالمواقيف ظفران = دايم سريتنا في راس البتيله