/
/
/
/
/
/
/
/
/
/
/
/
/
/
/
/
/
/
حنّا بلينا تالي الوقت ياناس=باللي يسمونه نفاق اجتماعي
سقم ٍ يصيب الناس في طبّه الياس=صاروا ضحايا عدوته بارتفاعي
فكّك ترابط مجتمع طيّب الساس=ساعة طلع فيروس فالناس شاعي
ينخر كما سوسه تمكّن بالاضراس=وآشد سطوّه من سموم الافاعي
غايب علاجه بارض لنّدن وتكساس=واحتار عقل اللي حكيم ٍ وواعي
ولاجابه النهدي ولا عند نحّاس=وانا حسب علمي عطيت انطباعي
الناس منها مجتمعها بينحاس=مادام شيخ القوم ماهو مطاعي
يوم اختلط طيّب نسبها بالانجاس=شفت المبادي بالمصالح تباعي
كثرت مشاكلهم على نقص وافلاس=والطيب ماله فالمشاكل مساعي
محد ٍ يفوز بغايته غير هلاّس=تبنا علاقتهم بغش وخداعي
تهتم بالمظهر بديكور واللباس=وتكمن بداخلها نوايا شناعي
ياناس هاتوا حل تكفون ياناس=حل ٍ يجي للمجتمع بانتفاعي
الشاعر / خالد بن عبيد بن معتوق ألأحمدي