المشاركة الأصلية كتبت بواسطة عبود

أبو عرب=
انظر معي فالغرام وجس = آهات فالقلب مكنونه
عساك تضفي عليها حس= يدرالي القلب ويصونه
عبود=
اعطيتني موجزات الدرس = وابغى تفاصيل مضمونه
حتى نصل من مراد النفس = ونقنع القلب وظنونه
أبو عرب=
يوم ارعدت والهبوب تنس = رفراف برقه على مزونه
هب المجلي عليه وطس = وبل صفا كان يسقونه
عبود=
يالمشتكي قوم شوف وعس = وابحث عنه كان تهوونه
شيد عليه الفؤاد ومس = لهل الحسد لا تكبونه
أبو عرب=
لاني موري ولا ابغى دس = مجنون في حب مجنونه
قدامنا حاضر المجلس = حظٍ ردي حال بي دونه
عبود=
حذراك من قربها واللمس = مكسورة القن مفتونه
ياقايمٍ بالفروض الخمس = شد العزم لا ترخونه
أبو عرب=
واردني الشور متعاكس = عيات فيها تقرونه
مادام لي حظي منافس = بنكون فيما تشوفونه