المشاركة الأصلية كتبت بواسطة سعد المحمدي

جتني بيوتاً من زميلي جزيلات = من خالد مبيريك راع الحميه
من الشوائب يوم جنا نقيات = مثل الذهب والورد بالمزهريه
بشموخهن يشدن جبال السروات = وأثقل من جبال الهدا مع طميه
في حال والا حال عندي خفيفات = أشد للمعني بطان المطيه
ياخالد مبيريك زبن الونيات = يالقرم ياراع اليدين السخيه
عرفك شرف ماهي علوم وخرافات = من مد لي يمناه جاته مليه
من نايد الاجناب والا قرابات = والله ماجزاء راعي الطيب سيه
واليا رجعنا للعلوم القديمات = أنتم هل الردات في كل هيه
بني عمر لا حولوا بالصقيلات = عاداتهم ذبحت عقيد السريه
يوم انها مابين جوله وصولات = افعالهم ماهي علينا خفيه
أهل الوفاء وأهل الصحون الثقيلات= يشهد على ماقول رب البريه
قومٍ لهم بالطيب جلسه وقومات=عز الرفيق وللعدا سم حيه
اختامها وردٍ على شكل باقات= لخالد مبيريك مني هديه