المشاركة الأصلية كتبت بواسطة ناهس بن ناحل

رواد ملتقى حرب

السلام عليكم ورحمة الله وبركاتة
يسعدني مصافحتكم بهذه الابيات اتمنا ان تنال اعجابكم

يقولون خلك ذيـب ساكت تحـير اعداك =وانا اقول تجسر شات الاجناب بسكاتك
تحـدث وخلك ذيب وسلاحك الفـتاك=رزين الكلام اسلاحك الحارق الفاتك
اليـا حل وقـته لايفـوتك بـكل ادراك=ترى دقت التوقيت تعبـير عن ذاتك
تغيـض البغيـض وينشرح خاطرٍ يـبغاك=تسوس الرجال ابحال وتعرف صيداتك
قبل لايفوت الفوت وانـته على مـركاك=توجدك ما يلحقك بالركب لا فاتك
ولا قول خلك منطلـق بين ذاك وذاك=ترى الناس ما تـخفا عليهم حركاتك
يكيلون لك بالصـاع كيلٍ يخض اشواك=ترنـح الياما تضرب الحيد جمهاتك
انا اوصيك ثم اوصيك لا يفرحون اعداك=ترى السيف له حدين لاتضيع هوماتك
مسيرك بضوح الشمس يغني عن الافلاك= تدل الطريق وتخـتصر من مسافاتك
تحـد الضروف ابدافعٍ للـعلا يشـعاك=طموحك يشكل حد في حجم مئساتك
على الـكايـد اضرب لا تحيرت مايخفاك=كلام الـحكيم اللي معاني معاناتك
ولا فات عقد الراي لا تـمد عود الراك=تخيب الضنون ولا تجي حسب هقواتك
ترى في ثياب الاصدقا اعدى تبي تشناك= إليا صار لك ما صار ياكثر شماتك
ولا تشتـكي للخلق وشتك على مولاك=اليا عانك المعبود حقـقت رغباتك
نصيحة امـجرب خل حكمتك في دنياك=مثل ما تـجـاز الناس تصبح امجازاتك