المشاركة الأصلية كتبت بواسطة وليف الشوق

بخيتان البشري=
إدارة متابعة ما ابغاه = ماعاد ليه هوى فيها
الشي لاصار ما نهواه = الواجب النفس نعفيها
اسيرالغرام=
المرء لا صار ما أوفـاه = طباعه عسل من مجانيها
مطالبه بالعفـو ننسـاه = وتبقى المهمـة يؤديهـا
بخيتان البشري=
الحر مايختلف ممشاه = عالي ماياصل مواطيها
لخاطر اهل الوفا عداه = ولاودي ابحث خوافيها
بيان الصمت=
يا حر ثابت على مبداه = مهما تَّغَيَّـر طواريهـا
الطيب من موقعك مجناه = ما تتبع النفس حاديهـا
بخيتان البشري=
من طيبكم يارفيع الجاه = غالي وكلمتك نغليهـا
لكن ذاك الردي نشناه = واهل الردى مانماشيها
العطيب=
على ألعُلأ ساسكم مبناه = ياحر وكـره معاليهـا
يا أبو محمد رفيع الجاه = طالبك يا خوك تلغيهـا
بخيتان البشري=
مانزود حنا على شرواه = مثلك معلـي مبانيهـا
وطلبك لو كان مانقواه = العـذر منـا يوفيهـا
السينات=
كلاً بصم لك وحط امضاه = وانت حاميها وراعيهـا
مطلوبك اليوم ما نقـواه = لو سبتها لمين نعطيها؟
بخيتان البشري=
عالي في قدرك علو الجاه = اهـل الوفـا ذي مباديهـا
والرجل لاشاف شي اعضاه = نفسـه مايبغـى يزريهـا