الحضيض اللي لياحتاج يلقى مايبيه = مايدور حاجتة مع فلان ومع فلان
ماسكن دينه وطيبة ومرضي والديه = الوفى يوفى لراعيه والداين يدان
وهبتن ربي وهبها لبيضان الوجيه = ليحتهم ماتغير على طول الزمان
لوبياع الطيب تلقى الغناوي يشتريه = طابو الانذال يالله عليك المستعان
الاصيل أيشوش لاطالت الطرقه عليه = والكديش يخيب الضن لامس البطان
ونت شوف الفرق بين المغفل والنبيه = فرق واضح مثل فرق الشجيع من الجبان
كم غنين لاحضر ماقفه ما يحتميه = بشدايد ينثني مثل عود الخيزران
يجري الانسان والموت قدمه يحتريه = في طريقه ينتقل من مكان الى مكان
من تهاون في صلاته عذابه مقتفيه = المناوي ماتفيده ليا فات الاوان
ويش عذره لاتوفى وحق الله عليه = والاوادم فانيه ماعلى الدنيا ضمان
الشاعر/ مساعد ضعيان البدراني