يأأحمد دخيلك لاتجنن فتاتك=رديت أنا قايل حناني يداويك
وإذا حناني خاب شفها فداتك=روحي وقلبي والمشاعر تناديك
ماحدن تجرى يزعلك في حياتك=الموت للي فكر إنه يعاديك
يازين حرفن تنطقه من شفاتك=وكل الحروف الثانيه تفتخر فيك
حرفن يهد أجبال وأجبال جاتك=ولاقلتي (مره) ينثني لك معاديك
الحرف واضح بس باقي غلاتك=ياكيف أوضحها وأنا حيل مغليك
أقول أحبك وأعشقك ياحلاتك=أقول قلبي دايم الدوم يطريك
أقول أنا ولايه وتطلب ولاتك=وسكانها بسم المحبه تحيك
يالتني سجادة ٍ في صلاتك=عيني بعينك بس ماقدر أجاريك
وليا سجدتي ورتخت لي عباتك=أشم عطرك واتسمع دعاويك
بالمختصر منهو يوضح صفاتك=لنك صفه عظمى عجزنا نسميك
إنتي ملاك الكون شوفي نقاتك=خلت جميع الناس تخدم معاليك