يامرحبا ياللي علـى الطيـب معتـاد
حياك فـي مجلـس رجـال الوفيـه
اقلـط بـدارك والمباهـيـر وقــاد
من تحتهـا جمـرٍ بـه النـار حيـه
يالصاحب اللي جيد الساس لك جـاد
حسب الذي حبر القلـم جـاب طيـه
ياللي بديت الحـون قافـك والانشـاد
شـرح المعانـي بيـن ذيـه وذيـه
النجمة اللي بازغـة مالهـا اسنـاد
لـولا المجامـل ماتبـان الخفـيـه
العلـم لـه فُقـاد والـدرس نُـقـاد
إن كـان شافـوا مانكتـب فالشكيـه
وانتـه عليـك آمـال ياذيـب عُقـاد
ومثلك كفـؤ مـن يعرفـك واهنيـه
ما يتفق ضدين فـي حكـم الاضـداد
لابـد مـا نحسـب لضـد وخويـه
وكان المعاني ما لهـا حـرف جـلاد
ماتنعـطـى نجـمـة ولامزهـريـه
والكـل شاعـر قـاف والـورد وراد
وجـزل المعانـي راح عنهـم نحيـه
وكلٍ علـى مدلـول فكـره والايـراد
اللي غرف مـن جـم واللـي ركيـه
ومن لابفكره فـاد لـو جـاب مافـاد
ياخذ عـواري حـق غيـره عطيـه
وترى العدد في وقتنـا قـام يـزداد
لكـن ابـو نيـه بهـا فـاز نـيـه
ومـادام للمشـروع داعـم وسـداد
ياكثرهـم وسـط البلـد سمكـريـه
شعرك يا ابو ماجد على روس الاشهاد
جـزل المعانـي لـك عـدودٍ رهيـه
fdبيض الله وجهك بخيتان
قمة ابداع بدون تكلف
يسلام
النجمة اللي بازغـة مالهـا اسنـاد
لـولا المجامـل ماتبـان الخفـيـه
العلـم لـه فُقـاد والـدرس نُـقـاد
إن كـان شافـوا مانكتـب فالشكيـه
وانتـه عليـك آمـال ياذيـب عُقـاد
ومثلك كفـؤ مـن يعرفـك واهنيـه
الله اكبر اتمنا تميز هذي اذا فيه تميز