* مطرز الحرف
ياهاتف الليل ياساري ** أبغى أشتراكات فوريه
للأن بحثي ترى جاري ** وسط الحدود السعوديه
* هزاع صالح
لاصادف الوقت قماري ** ونسايم البيد مطويه
خلك مع البث طياري ** تلقى إتصالات دوليه
* مطرز الحرف
لو أقضي الليل سهاري ** والبث جاري علانيه
المشكله مالها طاري ** للأن في ديار محميه
* هزاع صالح
إن تقبل النصح بقراري ** لازمك دورات معنيه
البث له خط سياري ** مادام الأبراج مبنيه
* مطرز الحرف
مادمت ياصاحبي زاري ** عطني إفادات وديه
لازاد فالخط معياري ** يحتاجله دور ورديه
* هزاع صالح
ماني لكم بكشف أسراري ** وأعطي بيانات سريه
مادمت لترجمه قاري ** مالك ومال الكتبجيه