لاتجرح ..الجرح الاول قبل مايبرى=الوذ بحماك من تهيفة اهدابك
مليت اداري الجروح المبطيه الاسرى=باقصى الخفوق وذلول الحظ ماجابك
ويق على الخافق اللي انت فيه ادرى=ماودي اقطع امل لقياك واشقابك
هنا مكانك وهذي جرتك خضرى=خلك هنيا زبنت وخاب طلابك
ماغير انا واياك والليل والقمرى=اطلق عنان الغرام ونوخ اركابك
بغيابك الارض قفرى والسماء غبرى=بعيون من ذاق طعم الموت بغيابك
ذبلت غصون الغرام المورقه العذرى=للماء وللماء يموت الكون واحيابك
لاتستثيرك ذواري عابره تذرى=هبايب الليل لاتجرح بك احبابك
انثر سماء الليل شعر وعطره شعراء=لاتحرم الشعر خل الشعر يهنابك
في غيرك الشعر لايذكر ولا يطرى=يلعن ابو حرف شعر(ن)ماتغنابك
لاتنبش الجرح خل اللي مضى ذكرى=مواجعي لا تــشوه صفحة اكتابك
ياسيرة اول غلا ياجرح مايبرى=الوذ بحماك من تهــــيــفة اهدابك