السباح=
احضر يابن راشد ذبحنا لك بعيـر=عشاك حاضر وسمع العلم اسمعه
الله يجيب الخير واسمع ياخبيـر=وشا انت خابر وسمع العلم اسمعه
بن راشد=
جيناك يالداعي عسى خيرك كثيـر=ذبحت فاطر واسمع العلم اسمعـه
ما اخبر غير الطيب جعله علم خير=انشد ياشاطر واسمع العلم اسمعه
السباح=
يوم الفرزدق جاله الشاعر جريـر=شاعر وشاعر واسمع العلم اسمعه
تعشوا اللي ما تعشى من شعيـر=والكذب قاصر واسمع العلم اسمعه
بن راشد=
الطالب الى صار في حضرة مدير=تحت الاوامر واسمع العلم اسمعه
ترى الفرزدق شاعر جمه غزير=والوقت داير واسمع العلم اسمعه
السباح=
انته تشوف وتنظر بعين الضرير=وارد وصادر لكن العلم اسمعـه
البيت به ريس ومرؤس وخفير=والبحرهادر واسمع العلم اسمعه
بن راشد=
تبي تيمم وانت في جنب الغديـر=خل المكابر واسمع الرد اسمعـه
اشوف واسمع والخطأ دايم يصير=والبيت عامر اسمع الرد اسمعـه
السباح=
السيف خله لاتـرده بالجفيـر=مادمت قادر واسمع العلم اسمعه
وان شفت طير طار يمه لاتطير=خل المقاشر وسمع العلم اسمعه
بن راشد=
سباح لكن في محلـك تستديـر=حث الحوافر واسمع العلم اسمعه
انته من العتبان والا من مطيـر=والا الهواجر واسمع العلم اسمعه
السباح=
ليا رجعت اتعبك ياعيون النذيـر=تونس وصابر واسمع العلم اسمعه
انا من اللي يفعلون بـلا شويـر=والفعل طاهر واسمع الم اسمعـه
بن راشد=
ان طعتني عن ماتدور تستخير=مالك معابر واسمع العلم اسمعه
سباح والسباح مايقوى المسير=مع البواخر واسمع العلم اسمعه
السباح=
سباح راعي خيل لايمكن ينير =شاعر وماهر واسمع العلم اسمعه
لاتحوس امورك جعلك لحوس المرير=مدبر وكاسر واسمع العلم اسمعه
بن راشد=
ماتقدر الهجيج من مابالظهير*=الحمل جاير واسمع الرد اسمعه
الى كسرتك منت لاقي لك نصير=الا المقابر واقطع النار اقطعه