كلام حربي فاهم أقصاه ودناه=أليا حضر عن حرب في محفلٍ ناب
حربي وربعي خضمها ماترضاه=يوم القبائل بين غالب وغلاب
من عال عن دربه بالأقدام ناطاه=يوم أنها بالسيف ودقاق الارقاب
منا نويشي بالخوي كلن اوحاه =شطر إل سبيل وعت شطره من إعجاب
عند الخوي سته قتلهم بشلفاه=ويمين خاله قصها تقل قصاب
على البسيطه من يسوي سواياه= ماينجبن مثله جميلات الأهداب
ومنا البلالي في قصيره سمعناه= فداء قصيره في حياته وما جاب
نجأ القصير وغاض في موته أعداه= حقايقٍ ماهي خرفات وكذاب
أم المطيري فوق عامين تنعاه= تقول في روحه فداء سيد الأحباب
قصيدها كلن سمع به وغناه= ماحرفوه اهل اللرشاوي والأحزاب
وباق القبائل طيبها ماجحدناه=كلن ورى حقه رهاوي وطلاب