ناصر الحجوري=
حي الله اللي يجي للـرد=وياخذمعي فالمثل مشراق
وياحبذا لو يجيه احمـد=اللي نبشته بحرف وضاق
فيصل بن معتوق الأحمدي=
تبقى وفرصه بهـا نسعـد=ونجدد.. العهد .. والميثاق
وأسعد اِذا فالكـلام نمـد=وتسمع لنا أيها العمـلاق
ناصر الحجوري=
تبغى الصراحه معك من جد=من فرحتى طارت الاوراق
لجلك مابين المراوي عـد=ولك ود في داخل الاعماق
فيصل بن معتوق الأحمدي=
كل مابـدى للأمانـي غـد=أقول .. طرف المعنا .. راق
ألقى المفـارق بنـا يبعـد=وانا علـى شوفتـه تـوّاق
ناصر الحجوري=
لـو الامانـي تجـي فاليـد=مايشتكي مشتقـي مشفـاق
اسلك طريق الوصال ومـد=حِثّ الخًطى واطوي المطراق
فيصل بن معتوق الأحمدي=
للقرب نبذل كثيـر الجهـد=ومن جانبي ماقصرت الساق
كل مابنينـا العـزول يهـد=وألقى المساعي بدون رواق