المشاركة الأصلية كتبت بواسطة فواز الزويهري

بيان الصمت=
سلام نبدا به المحضر=مخصوص لاهل الفكر والكار
نبغى معاني بها نكسر=حواجز الصوت والإنذار
فواز الزويهري=
ترحيب من قايد العسكر=اللي بحرف المثل بيطار
والحرف جيبه لنا مشفر=حتى الجواسيس به تحتار
بيان الصمت=
تاجر دخل ساحة المخفر=يحمل بضايع عليها انكار
من سوق مبني على المظهر=يبغى العدل يتبع الأسعار
فواز الزويهري=
قانون مايتبع المنكر=بين الهوامير والتجار
وان كان جاه العدل يخسر=قواتنا تحارب المكار
بيان الصمت=
في هالة السمع والمنظر=النفس تاهت عن الأفكار
يبغى على سوقهم يظهر=قدام لآيفهم الأسرار
فواز الزويهري=
هذاك للسوم مايقدر=وقت المزايد مع الشطار
في حمية السوق مايظفر=يرجع رصيده على الأصفار
بيان الصمت=
على أمل للفرح يكبر=غافل فحلمه عن الأخطار
والعجب غطى على المخبر=ياكيف تلفت له الأنظار