المشاركة الأصلية كتبت بواسطة صقر المراقيب

كان الرشودي ضايق الصدر زعلان=لابد مانرضيه والوعد ديني
ياتيه مني عذر مرفق ببرهان=حتى يعرف الحقّ حقّ اليقيني
حيثه عزيز بوقفته مثل ورقان=صاحب عزيز ولاحصل منه شيني
عيسى ولد رجعان جدّه عنيزان=وزاده شرف لاقيل عيسى حسيني
ممدوح في شمر وله عندهم شان=حربي عريب اعداه جزل اليميني
برسلكم معذار لحّن بقيفان=وانته خوي الجنب سدّك متيني
وانكان تنشد فانت منته بغلطان=سبة غيابي بين حين ٍ وحيني
على حياة الكون ماكان حقران=الوقت ضيق جعل ربّك يعيني
واسلم وسلّم على طير حوران=رجل الطواري رادع المعتديني
ابو فؤاد اللي نسب في سليمان=مرسل علوم الطيب بينك وبيني
واعداد مايذكر في يافع وبيحان=صلي على اللي جاب علم ٍ مبيني