أحييكم تحية يرتضيها ربنا المعبود =تحية دينا الاسلام وتحيا حرب حربية
يقوله من ضميره بالحيا متحشد ومحشود=فتى مايجهل الواجب لمن هو وجبه لِيه
عسى ربي يعين بخير والدنيا سهود مهود=وياربعي ترى الحربي معي ماهو بعاريه
ترانا لوتغيرنا الاسامي الجدود جدود=وهذي مسألة من تو مجزومه ومنهيه
وحنا ننبذ الفتنه وعلى راعي الفتَّنْ تعود=ودايم مجتمعنا بخير والأجواء صحيه
أهل تاريخ أهل مبداء وأهل أيام بيض وسود=ليالي ربعتي بيضاء وسود أيام أعاديه
على حسب المضي قُدماً وممشانا رقي وسنود=وربعي حرب انا ماأشقر عصايه للحرابية
انا من ربعةٍ تمشي بحسب السالف الممدود=تواترنا المراجل بعد اهلنا ورث ماليه
مع العالم نبا نأخذ ونعطي حِسبَت المعهود=نمد العلم من قلبٍ نظيف وصافي النية
سوايرنا قِمَمْ شمآء ولوهو دخلنا محدود=ولو هو دخلنا محدود قمم عليا سماويه
نشينا من مناشينا مناشي للأدب ونقود=مناشي للأدب ونقود في قن الصفاويه
نشينا من مناشينا على بذل العطاء والجود=على بذل العطاء والجود ماهو جبر ؛ شيميه
نشينا من مناشينا على أخلاق الفتى المحمود=وبأخلاق الفتى المحمود قبل البعث وبعديه
نشينا من مناشينا نموت وحدنا المحدود=ومعنا من مقيم الدين حجج وصكوك شرعية
نشينا من مناشينا حمية والصحيح يزود=ونشهر راعي الحسنه ونمنع راعي السية
نشينا من مناشينا نمد الود للمودود=على وضح النقا ماهي على ثنتين مصغيه
نشينا لمن يعادينا مراويد النحر وزنود=منايا قصاف العمار ولافالموت ماويه
نشينا من مناشينا حماة أوطاننا وجنود=ورايتنا علم أخضر شهادة حق مثنية
سوايرنا وراثة حددوها للجدود جدود=وجدودنا لأبائنا وصار العلم جديه
عسى ربي يديم المملكة والحكم لآل سعود=أنا ماني بمرهي بخير بعد حكم السعودية
أقوله لّحي مايدري انا من عسكر البارود=أبوعساف فتى يقري سلامه بإرتجاليه